Continuano le manifestazioni legate a FlorArte, ad Arenzano: sabato 27 aprile sarà la giornata dedicata ai pavoni, i magnifici animali che abitano il parco Negrotto Cambiaso. Dalle 10 alle 17, in via Bocca, “La storia dei pavoni di Arenzano“. Alle 14,15, partenza da via Bocca con una sessione di “pavoni watching” con il biologo e giornalista ambientale Gabriele Vallarino. Alle 15, per le vie del paese, “Festa dei Pavoni“. Alle 17, nel parco Negrotto Cambiaso, “Di verde e azzurro, di piume e bellezze“, monologo interpretato da Lazzaro Calcagno, direttore artistico del teatro Il Sipario Stappato. A seguire, balletto “Danza e Natura” a cura di ASD Idem.
Ecco il monologo – scritto da Caterina Lazzaro e tradotto da Fiorenzo Toso – che verrà interpretato da Lazzaro Calcagno:
Unnavòtta o gh’ea un paisòtto ch’o tombiggiava tutto desteiso in sciâ seu giæa, fæta de risseu riondi, lustri de scciumma de mâ.
Comme pe caxo, un bello giorno, unn’allegra famiggia de paoin, con quarche atro che se conosceivan da tempi, a gh’é arrivâ da-o levante, de da-a ponta do Pisso.
À quelli öxelli pin de sosta se gh’é averto un scenäio mäveggioso e da mette coæ de fermâse. An commensou à fiezzâ a-o xeuo a mæña, tocchetto pe tocchetto, e comme son arrivæ into paise, tra euggiai e parme, gren pompermi e pin, gh’é anæto a-o cheu d’affermâse e d’arrestâ into parco de Pävexin, che se ghe ne stavan à göghin e belli segui.
E giornæ passavan co-o camminâ do tempo. Quella communitæ, co-o scorrî do tempo, a l’é cresciua de tanti e belli paoin, che son vegnui i patroin do parco e s’an adeuttou o dito latin “hic manebimus optime” ch’an attrovou into stemma do Commun.
Quande se n’anavan in gio pe-o paise, à quelli öxelli gh’ea cao sentî de fâ parte da communitæ, e con quelle belle ciumme impivan de cô tutti i recanti, che con lô ean ancon ciù bello vedde.
L’é pe quello che ancheu in giornâ un o peu sentî quello verso che fan, quelli seu crii che reciòccan da un canto à l’atro do paise. Ciumme de tutti i coî, cöse da re, sciòrtan feua comme ninte in mezo a-i giardinetti de beussao, a-i oliandri, in scê ramme ciù erte di pin, in scî marmai di palaçi.
Se lascian fâ o retræto quande into parco se maia quarche zoeno, s’arrampiñan fin da-a torretta, saluan i figgeu into veuo da scheua.
Î trovemmo da-o Santuäio de Oivette, quande, çerte seie, se gh’afferman à ammiâ o sô ch’o chiña derê a-o profî neigro di bricchi, e ancon ciù in là.
Che bella stöia, quella di paoin de Rensen, unna ligamme fòrte de bellessa e d’armonia, de stâ insemme da amixi ch’o dua za che l’è pe coscì di anni, e ch’o se mantegnià pe delongo.
